ಅಡುಗೆ ಮನೆಯಲ್ಲಿ ಇಬ್ಬರು ಮಹಿಳೆಯರು ಕೆಲಸ ಮಾಡುತ್ತಿರುವ ವೀಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ. ಮೊದಲ ಮಹಿಳೆ ಗಾಜಿನ ಲೋಟದಲ್ಲಿ ನೀರನ್ನು ತಯಾರಿಸಿ ಹೊರಟುಹೋದರೆ, ಎರಡನೆಯ ಮಹಿಳೆ ಗಾಜಿನೊಳಗೆ ದ್ರವವನ್ನು ಸುರಿಯುತ್ತಾರೆ. ಸಮಾಜವಾದಿ ಪಕ್ಷದ ನಾಯಕನ, ಹಿಂದೂ ಮನೆ ಮಾಲೀಕನ ಜ್ಯೂಸ್‌ಗೆ ಫರೀದಾ ಖಾತೂನ್ ಎಂಬ ಮನೆಯ ಸಹಾಯಕಿಯು ಮೂತ್ರವನ್ನು ಬೆರೆಸಿ ಸಿಕ್ಕಿಬಿದ್ದಿದ್ದಾಳೆ ಎಂಬ ಹೇಳಿಕೆಯೊಂದಿಗೆ ಈ ವೀಡಿಯೊವನ್ನು ಹಂಚಿಕೊಳ್ಳಲಾಗುತ್ತಿದೆ.
ಫೇಸ್ಬುಕ್ ಬಳಕೆದಾರರೊಬ್ಬರು ಈ ವೀಡಿಯೊವನ್ನು ಹಂಚಿಕೊಂಡು, ‘‘ಯಾವುದೇ ಕಾರಣಕ್ಕೂ ಇಂತಹ ಮನಸ್ಥಿತಿ ಇರುವ ಪಗಂಡದ ಜೊತೆ ಯಾವುದೇ ವ್ಯಾಪಾರ ವ್ಯವಹಾರ ಮಾಡಬೇಡಿ, ಹಿಂದೂಗಳೆ ಮನೆ ಕೆಲಸದಾಕೆ ಫರೀದಾ ಖಾತೂನ್ ಅವರು ಹಿಂದೂ ಮನೆ ಮಾಲೀಕರಿಗೆ ಸೇವೆ ಸಲ್ಲಿಸುವ ಮೊದಲು ತನ್ನ ಮೂತ್ರವನ್ನು ಜ್ಯೂಸ್ನಲ್ಲಿ ಬೆರೆಸಿದಾಗ ಕ್ಯಾಮೆರಾದಲ್ಲಿ ಸೆರೆಹಿಡಿದಿದ್ದಾರೆ. ಮನೆ ಮಾಲೀಕ ಸಮಾಜವಾದಿ ಪಕ್ಷದ ನಾಯಕ ಅದರು ಮೂತ್ರ ಬೆರಿಸಿದ ಜ್ಯೂಸ್. ನೀವು ಅವರಿಗೆ ಕಾಫಿರ್ ಆಗಿದ್ದೀರಿ ಅಷ್ಟೆ. ಆದ್ದರಿಂದ ನಿಮ್ಮ ಸೇವಕಿ, ಸೇವಕ, ಕೆಲಸಗಾರ ಮತ್ತು ಸಹಾಯಕರನ್ನು ಎಚ್ಚರಿಕೆಯಿಂದ ಆರಿಸಿ’’ ಎಂದು ಬರೆದುಕೊಂಡಿದ್ದಾರೆ.
ಇದೇರೀತಿಯ ಹೇಳಿಕೆಯೊಂದಿಗೆ ವೈರಲ್ ಆಗುತ್ತಿರುವ ವೀಡಿಯೊವನ್ನು ನೀವು ಇಲ್ಲಿ, ಇಲ್ಲಿ ನೋಡಬಹುದು.
ಈ ಸುದ್ದಿಯ ಸತ್ಯಾಸತ್ಯತೆಯನ್ನು ಸೌತ್ ಚೆಕ್ ಪರಿಶೋದಿಸಿದಾಗ ಈ ಹಕ್ಕು ತಪ್ಪುದಾರಿಗೆಳೆಯುತ್ತಿದೆ ಎಂದು ಕಂಡುಹಿಡಿದಿದೆ. ವೀಡಿಯೊ ಸಮಾಜವಾದಿ ಪಕ್ಷದ ನಾಯಕರ ಮನೆಯಿಂದಲ್ಲ ಅಥವಾ ಇದು ಭಾರತದಿಂದ ಬಂದದ್ದಲ್ಲ.
ವೀಡಿಯೊದ ಕೀಫ್ರೇಮ್‌ನ ರಿವರ್ಸ್ ಇಮೇಜ್ ಹುಡುಕಾಟದ ಮೂಲಕ ಪರಿಶೀಲಿಸಿದ ಯೂಟ್ಯೂಬ್ ಚಾನೆಲ್ ಒನ್ಇಂಡಿಯಾ ನ್ಯೂಸ್ ವರದಿಯಲ್ಲಿ ಉಲ್ಲೇಖಿಸಲಾದ ವೀಡಿಯೊವನ್ನು ನಾವು ಕಂಡುಕೊಂಡಿದ್ದೇವೆ , ‘ಸೇವಕಿ ತನ್ನ ಬಾಸ್‌ನ ಜ್ಯೂಸ್‌ಗೆ ಮೂತ್ರವನ್ನು ಬೆರೆಸಿ ಕೊಟ್ಟಿದ್ದಾಳೆ' ಎಂಬ ಶೀರ್ಷಿಕೆ ನೀಡಲಾಗಿದೆ. ಇದನ್ನು ಏಪ್ರಿಲ್ 28, 2016 ರಂದು ಪ್ರಕಟಿಸಲಾಗಿದೆ.
ಚಾನೆಲ್ ಪ್ರಕಾರ, ಕುವೈಟಿನ ಮನೆಯೊಂದರಲ್ಲಿ ಕೆಲಸ ಮಾಡುವ ಮನೆಯ ಸಹಾಯಕಿಯನ್ನು ವೀಡಿಯೊ ತೋರಿಸುತ್ತದೆ, ಅವರು ಬೆಳಗಿನ ಉಪಾಹಾರ ಸೇವಿಸುವ ಮೊದಲು ಕಿತ್ತಳೆ ರಸಕ್ಕೆ ಮೂತ್ರವನ್ನು ಸೇರಿಸುವುದು ಕ್ಯಾಮೆರಾದಲ್ಲಿ ಸೆರೆಯಾಗಿದೆ.
ಈ ಸೂಚನೆಯನ್ನು ತೆಗೆದುಕೊಂಡು, ನಾವು ಅರೇಬಿಕ್ ಭಾಷೆಯಲ್ಲಿ ಕೀವರ್ಡ್ ಹುಡುಕಾಟವನ್ನು ನಡೆಸಿದ್ದೇವೆ ಮತ್ತು ಏಪ್ರಿಲ್-ಮೇ 2016 ರಲ್ಲಿ YouTube ಮತ್ತು Facebook ನಲ್ಲಿ ಪ್ರಕಟಿಸಲಾದ ವೀಡಿಯೊವನ್ನು ನಾವು ಕಂಡುಕೊಂಡಿದ್ದೇವೆ. ಸೌದಿ ಅರೇಬಿಯಾ ಮೂಲದ Akhbaar24 ರ ಏಪ್ರಿಲ್ 2016 ರ ವರದಿಯು ವೈರಲ್ ವೀಡಿಯೊದ ಸ್ಕ್ರೀನ್‌ಗ್ರಾಬ್ ಅನ್ನು ಒಳಗೊಂಡಿದೆ. ಮನೆಯೊಂದರಲ್ಲಿ ಅಳವಡಿಸಲಾದ ಕ್ಯಾಮೆರಾದಿಂದ ಈ ಘಟನೆ ಬೆಳಕಿಗೆ ಬಂದಿದೆ ಎಂದಿದೆ.
ಅಲ್-ಶಾಹಿದ್ ಚಾನೆಲ್‌ನಲ್ಲಿ ದಿವಾನ್ ಅಲ್-ಮುಲ್ಲಾ ಎಂಬ ಕಾರ್ಯಕ್ರಮದಲ್ಲಿ ಕಾಣಿಸಿಕೊಂಡ ಈ ದೃಶ್ಯಾವಳಿಯಲ್ಲಿ ಮಹಿಳೆಯೊಬ್ಬರು ಕಪ್ ಜ್ಯೂಸ್ ಅನ್ನು ತಯಾರಿಸುತ್ತಿರುವುದನ್ನು ತೋರಿಸಿದರು, ಆದರೆ ಇನ್ನೊಬ್ಬರು ಪ್ರತ್ಯೇಕ ಕಪ್‌ನಲ್ಲಿ ಮೂತ್ರ ವಿಸರ್ಜನೆ ಮಾಡಿ ಅದನ್ನು ಜ್ಯೂಸ್‌ಗೆ ಸೇರಿಸಿದರು. 2016 ರಿಂದ ಅರಬಿ 21 ರ ಮತ್ತೊಂದು ವರದಿಯು ಈ ಘಟನೆ ಕುವೈತ್‌ನಲ್ಲಿ ಸಂಭವಿಸಿದೆ ಎಂದು ಹೇಳಿದೆ.
2016 ರಲ್ಲಿ ಮಿರರ್ ಮತ್ತು ಟೆಲಿಗ್ರಾಫಿಯ ಇಂಗ್ಲಿಷ್ ವರದಿಗಳು ಈ ವೀಡಿಯೊವನ್ನು ಕುವೈತ್‌ನಲ್ಲಿ ರೆಕಾರ್ಡ್ ಮಾಡಲಾಗಿದೆ ಎಂದು ಹೇಳಿವೆ.
ಟೆಲಿಗ್ರಾಫಿ ಪ್ರಕಾರ, ಕುಟುಂಬವು ತಮ್ಮ ಮನೆಯ ಸಹಾಯಕಿಯು ನಮಗೆ ನೀಡುರವ ಪಾನೀಯದಲ್ಲಿ ಏನನ್ನೊ ಕಲಬೆರಕೆ ಮಾಡುತ್ತಿದ್ದಾಳೆ ಎಂದು ಬಹಳ ಹಿಂದಿನಿಂದಲೂ ಶಂಕಿಸಿದ್ದರು, ಆದ್ದರಿಂದ ಅವರು ಅಡುಗೆಮನೆಯಲ್ಲಿ ಕ್ಯಾಮೆರಾಗಳನ್ನು ಫಿಕ್ಸ್ ಮಾಡಿದ್ದಾರೆ. ಮನೆಗೆಲಸದವರು ತಮ್ಮ ದೈನಂದಿನ ಕೆಲಸಗಳಿಗೆ ಹೋಗುತ್ತಿರುವುದನ್ನು ಸೆರೆಹಿಡಿಯಿತು, ಅವರಲ್ಲಿ ಒಬ್ಬರು ಪಾನೀಯಕ್ಕೆ ಮೂತ್ರವನ್ನು ಬೆರೆಸುವುದನ್ನು ನೋಡಿದ್ದಾರೆ.
ಆದ್ದರಿಂದ, ಈ ವೀಡಿಯೊವು ಭಾರತದಿಂದಲ್ಲ ಮತ್ತು ಹಕ್ಕು ತಪ್ಪುದಾರಿಗೆಳೆಯುತ್ತಿದೆ ಎಂದು ನಾವು ತೀರ್ಮಾನಿಸುತ್ತೇವೆ.