Fact Check: ಭಾರತೀಯ ಸೇನೆ ಮಣಿಪುರ ಉಗ್ರರಿಂದ ಬೃಹತ್ ಪ್ರಮಾಣದ ಶಸ್ತ್ರಾಸ್ತ್ರಗಳನ್ನು ವಶಪಡಿಸಿದ್ದಾರೆಯೇ? ಇಲ್ಲ, ಸತ್ಯ ಇಲ್ಲಿ ತಿಳಿಯಿರಿ

ಸಾಮಾಜಿಕ ಮಾಧ್ಯಮದಲ್ಲಿ ವೀಡಿಯೊ ಒಂದು ವೈರಲ್ ಆಗುತ್ತಿದ್ದು, ಇದರಲ್ಲಿ ದೊಡ್ಡ ಪ್ರಮಾಣದ ಸ್ಫೋಟಕಗಳು, ಶಸ್ತ್ರಾಸ್ತ್ರಗಳು ಮತ್ತು ಹಣವನ್ನು ನೆಲದ ಮೇಲೆ ಇಟ್ಟಿರುವುದನ್ನು ಕಾಣಬಹುದಾಗಿದೆ. ಈ ವೀಡಿಯೊ ಭಾರತದ ಈಶಾನ್ಯ ರಾಜ್ಯ ಮಣಿಪುರದಲ್ಲಿ ಉಗ್ರಗಾಮಿಗಳಿಂದ ಶಸ್ತ್ರಾಸ್ತ್ರಗಳನ್ನು ವಶಪಡಿಸಿಕೊಂಡಿರುವ ವೀಡಿಯೊ ಎಂದು ಹೇಳಲಾಗುತ್ತಿದೆ.

ಫೇಸ್​ಬುಕ್ ಬಳಕೆದಾರರೊಬ್ಬರು ಈ ವೀಡಿಯೊವನ್ನು ಹಂಚಿಕೊಂಡು, ‘‘ಮಣಿಪುರದಲ್ಲಿ ಉಗ್ರಗಾಮಿಗಳಿಂದ ಭಾರತೀಯ ಸೇನೆಯು ಅಪಾರ ಪ್ರಮಾಣದ ಶಸ್ತ್ರಾಸ್ತ್ರಗಳು ಮತ್ತು ಹಣವನ್ನು ವಶಪಡಿಸಿಕೊಂಡಿದೆ.!’’ ಎಂದು ಬರೆದುಕೊಂಡಿದ್ದಾರೆ (Archive)

ಇದೇರೀತಿಯ ಹೇಳಿಕೆಯೊಂದಿಗೆ ವೈರಲ್ ಆಗುತ್ತಿರುವ ವೀಡಿಯೊವನ್ನು ನೀವು ಇಲ್ಲಿ, ಇಲ್ಲಿ ನೋಡಬಹುದು.

Fact Check:

ಸೌತ್‌ಚೆಕ್ ಈ ಹೇಳಿಕೆ ದಾರಿತಪ್ಪಿಸುವಂತಿದೆ ಎಂದು ಕಂಡುಹಿಡಿದಿದೆ. ಗಣನೀಯ ಪ್ರಮಾಣದ ಶಸ್ತ್ರಾಸ್ತ್ರಗಳು ಕಂಡುಬಂದಿರುವ ಈ ವೀಡಿಯೊ ಮ್ಯಾನ್ಮಾರ್‌ನದ್ದಾಗಿದ್ದು, ಭಾರತೀಯ ಸೇನೆ ಅಥವಾ ಮಣಿಪುರಕ್ಕೆ ಯಾವುದೇ ಸಂಬಂಧವನ್ನು ಹೊಂದಿಲ್ಲ.

ವೀಡಿಯೊವನ್ನು ಸೂಕ್ಷ್ಮವಾಗಿ ಗಮನಿಸಿದಾಗ, ಸುಮಾರು 35 ಸೆಕೆಂಡುಗಳಲ್ಲಿ, ವಶಪಡಿಸಿಕೊಂಡ ವಸ್ತುವಿನ ಬಳಿ ಇರುವ ಸಶಸ್ತ್ರ ಸಿಬ್ಬಂದಿಯ ಸಮವಸ್ತ್ರದ ಮೇಲೆ 'BNRA' ಎಂದು ಬರೆದಿರುವುದನ್ನು ನೋಡಬಹುದು. ನಾವು ಗೂಗಲ್​ನಲ್ಲಿ ಈ ಕುರಿತು ಹುಡುಕಿದಾಗ BNRA ಎಂದರೆ ಬರ್ಮಾ ರಾಷ್ಟ್ರೀಯ ಕ್ರಾಂತಿಕಾರಿ ಸೇನೆ ಎಂದು ಕಂಡುಬಂದಿದ್ದು ಇದು ಒಂದು ಸಶಸ್ತ್ರ ಪ್ರತಿರೋಧ ಸಂಘಟನೆ. ಈ ಸಂಘಟನೆಯನ್ನು ಮೊದಲು ಮ್ಯಾನ್ಮಾರ್ ರಾಯಲ್ ಡ್ರ್ಯಾಗನ್ ಆರ್ಮಿ ಎಂದು ಹೆಸರಿಸಲಾಗಿತ್ತು ಮತ್ತು ನಂತರ 2023 ರಲ್ಲಿ BNRA ಎಂದು ಮರುನಾಮಕರಣ ಮಾಡಲಾಯಿತು.

ಈ ಮಾಹಿತಿಯನ್ನು ಬಳಸಿಕೊಂಡು ಗೂಗಲ್ ರಿವರ್ಸ್ ಇಮೇಜ್ ಹುಡುಕಾಟ ನಡೆಸಿದಾಗ, ಈ ವೀಡಿಯೊವನ್ನು ಮ್ಯಾನ್ಮಾರ್‌ನ ಕೆಲ ಫೇಸ್‌ಬುಕ್ ಪುಟಗಳು ಹಂಚಿಕೊಂಡಿರುವುದು ಸಿಕ್ಕಿದೆ.

ಈ ವೀಡಿಯೊವನ್ನು ಏಪ್ರಿಲ್ 15 ರಂದು ಫೇಸ್‌ಬುಕ್‌ನಲ್ಲಿ ಹಂಚಿಕೊಳ್ಳಲಾಗಿದೆ. ವೀಡಿಯೊ ಹಳೆಯದಾಗಿರುವುದರಿಂದ, ಇದು ಮಣಿಪುರದಲ್ಲಿ ಇತ್ತೀಚೆಗೆ ಭಾರತೀಯ ಭದ್ರತಾ ಪಡೆಗಳ ದಂಗೆ ನಿಗ್ರಹ ಕಾರ್ಯಾಚರಣೆಗೆ ಸಂಬಂಧಿಸಿಲ್ಲ ಎಂದು ನಾವು ಖಚಿತಪಡಿಸಿಕೊಳ್ಳಬಹುದು.

ಏಪ್ರಿಲ್ 10 ರಂದು ಮ್ಯಾನ್ಮಾರ್ ಮೂಲದ ಮಾಧ್ಯಮ ಸಂಸ್ಥೆಯು ಇದೇ ರೀತಿಯ ವೀಡಿಯೊವನ್ನು ಹಂಚಿಕೊಂಡಿರುವುದನ್ನು ನಾವು ಕಂಡುಕೊಂಡಿದ್ದೇವೆ. ಆ ವೀಡಿಯೊವನ್ನು ಬರ್ಮೀಸ್ ಭಾಷೆಯಲ್ಲಿ ಬರೆಯಲಾದ ಶೀರ್ಷಿಕೆಯೊಂದಿಗೆ ಹಂಚಿಕೊಳ್ಳಲಾಗಿದೆ, ಆದರೆ ಅದರಲ್ಲಿ ಬರೆಯಲಾದ ಕೆಲವು ಇಂಗ್ಲಿಷ್ ಪಠ್ಯಗಳು ಬರ್ಮಾ ನ್ಯಾಷನಲ್ ರೆವಲ್ಯೂಷನರಿ ಆರ್ಮಿ (BNRA) ಅಥವಾ ಬರ್ಮೀಸ್ ರೆವಲ್ಯೂಷನರಿ ಟೆಕ್ನಿಕಲ್ ಫ್ರಂಟ್‌ನಂತಹ ಪದಗಳನ್ನು ಸೂಚಿಸುತ್ತವೆ.

ಹಾಗೆಯೆ ವೈರಲ್ ವೀಡಿಯೊದ ಸ್ಕ್ರೀನ್‌ಶಾಟ್‌ಗೆ ಹೋಲುವ ಚಿತ್ರವನ್ನು ಬರ್ಮೀಸ್ ಸುದ್ದಿ ವಾಹಿನಿಯೊಂದು ಹಂಚಿಕೊಂಡಿರುವುದನ್ನು ನಾವು ಕಂಡುಕೊಂಡಿದ್ದೇವೆ. ಇದರಲ್ಲಿ ನೀಡಿರುವ ಮಾಹಿತಿಯ ಪ್ರಕಾರ, ನವೆಂಬರ್ 2024 ರಲ್ಲಿ ಪ್ರಾರಂಭವಾದ ಮಿಲಿಟರಿ ಕಾರ್ಯಾಚರಣೆಗಳ ನಂತರ, ಏಪ್ರಿಲ್ 9 ರಂದು, ಚಿನ್ ನ್ಯಾಷನಲ್ ಫ್ರಂಟ್ ಮ್ಯಾನ್ಮಾರ್‌ನ ಚಿನ್ ರಾಜ್ಯದ ಫಲಮ್ ಪಟ್ಟಣವನ್ನು ನಿಯಂತ್ರಣಕ್ಕೆ ತೆಗೆದುಕೊಂಡಿದೆ ಎಂದು ಘೋಷಿಸಿತು ಎಂದು ಸೂಚಿಸುತ್ತವೆ.

ಆದ್ದರಿಂದ, ವೈರಲ್ ಆಗಿರುವ ಈ ಹಕ್ಕು ದಾರಿತಪ್ಪಿಸುವಂತಿದೆ ಎಂದು ನಾವು ಖಚಿತಪಡಿಸಿಕೊಳ್ಳಬಹುದು.