Hyderabad: తీవ్రమైన చలిలో, మంచులో నాగ సాధువులు ధ్యానం చేయడాన్ని చూపిస్తోంది అనే క్లెయిమ్లతో ఒక వీడియో సోషల్ మీడియాలో వైరల్ అవుతోంది.
ఈ వీడియోపై ఇలా రాసి ఉంది, "హిందువులు విదేశీ సంప్రదాయ నూతన సంవత్సర వేడుకలు జరుపుకుంటున్న సమయంలో-40 డిగ్రీల తీవ్రమైన చలిలో కూడా సనాతన ధర్మాన్ని కాపాడుతూ శివుడి ధ్యానంలో నాగ సాధువులు -హర హర మహాదేవ్".
ఈ వీడియోని ఫేస్బుక్లో షేర్ చేసారు. (ఆర్కైవ్)
ఫాక్ట్ చెక్
వైరల్ వాదనలు అబద్ధమని సౌత్ చెక్ కనుగొంది. వీడియో కృత్రిమ మేధస్సు ద్వారా రూపొందించబడింది.
వీడియోను నిశితంగా విశ్లేషించి, వీడియోలోని సన్యాసి గడ్డం జుట్టు దాని చుట్టూ ఉన్న మంచుతో కలిసిపోతున్నట్లు కనిపిస్తోందని గుర్తించాం. వీడియోలోని ఇతర సన్యాసుల ఛాయాచిత్రాలు కూడా నునుపుగా ఉన్నాయి, ఎలాంటి వివరాలు కనిపించడం లేదు. వీడియోలోని త్రిశూలంలో కూడా సరిగ్గా లేదు. వీడియో ఆర్టిఫిషియల్ ఇంటెలిజెన్స్ ఉపయోగించి ఉత్పత్తి చేయబడిందని ఇవి సూచిస్తున్నాయి.
దీనిని నిర్ధారించడానికి ఏఐ డిటెక్టర్, హైవ్ మోడరేషన్ను ఉపయోగించాం. వీడియో 99.8 శాతం ఏఐచే ఉత్పత్తి చేసిన కంటెంట్ను కలిగి ఉండే అవకాశం ఉందని ధృవీకరించబడింది.
కాబట్టి, వైరల్ వాదనలు అవాస్తవమని స్పష్టంగా తెలుస్తుంది. మంచులో ధ్యానం చేస్తున్న సన్యాసుల వీడియో ఏఐ ద్వారా ఉత్పత్తి చేయబడింది.
