ബംഗ്ലാദേശില്നിന്ന് ഇന്ത്യയിലേക്ക് അനധികൃതമായി കുടിയേറിയവരെ ബിഎസ്എഫ് സൈന്യം തുരത്തിയോടിക്കുന്നവെന്ന തരത്തില് സമൂഹമാധ്യമങ്ങളില് വീഡിയോ പ്രചരിക്കുന്നു. സൈനികര് നിരയായി ഇരുന്ന് ആള്ക്കൂട്ടത്തിന് നേരെ വെടിയുതിര്ക്കുന്ന തരത്തിലാണ് വീഡിയോ. പശ്ചിമബംഗാളില് ഭരണം മാറിയ പശ്ചാത്തലത്തില് രാഷ്ട്രീയ അവകാശവാദങ്ങളോടെയാണ പലപ്പോഴും ഇത് പ്രചരിക്കുന്നത്
പ്രചാരണം വസ്തുതാവിരുദ്ധമാണെന്നും ദൃശ്യങ്ങള് ഇന്ത്യന് സൈന്യത്തിന്റേതല്ലെന്നും അന്വേഷണത്തില് വ്യക്തമായി.
പ്രചരിക്കുന്ന വീഡിയോയിലെ ചില കീഫ്രെയമിമുകള് റിവേഴ്സ് ഇമേജ് സെര്ച്ചില് പരിശോധിച്ചതോടെ വീഡിയോ നേരത്തെത്തന്നെ പ്രചാരത്തിലുണ്ടെന്ന് കണ്ടെത്തി. ATV News എന്ന ഫെയ്സ്ബുക്ക് പേജില് 2026 ഫെബ്രുവരി 11 ന് ഈ വീഡിയോ പങ്കിട്ടതായി കണ്ടെത്തി. തിരഞ്ഞെടുപ്പ് തയ്യാറെടുപ്പുകള് പുരോഗമിക്കുന്നുവെന്നും സൈന്യം പരിശീലനം നടത്തിയെന്നുമാണ് അടിക്കുറിപ്പില് നല്കിയിരിക്കുന്നത്.
തുടര്ന്ന് നടത്തിയ പരിശോധനയില് പ്രസ്തുത മാധ്യമസ്ഥാപനം നേപ്പാളിലേതാണെന്നും പ്രചരിക്കുന്ന ദൃശ്യങ്ങള് നേപ്പാളില്നിന്നുള്ളതാണെന്നും വ്യക്തമായി.
തുടര്ന്ന് ഈ സൂചനകള് ഉപയോഗിച്ച് നടത്തിയ പരിശോധനയില് സംഭവവുമായി ബന്ധപ്പെട്ട വിവിധ നേപ്പാളി മാധ്യമറിപ്പോര്ട്ടുകള് ലഭിച്ചു.
ഇതോടെ പ്രചാരണം വ്യാജമാണെന്നും ദൃശ്യങ്ങള്ക്ക് ഇന്ത്യയുമായി ബന്ധമില്ലെന്നുംം വ്യക്തമായി.