fifthestatedigital1
Tamil

Fact Check: ஆந்திர துணை முதல்வர் பவன் கல்யாணை விமர்சித்தவரை காவல் துறையினர் தாக்கியதாகப் பரவும் காணொலி? உண்மை அறிக

2021-ஆம் ஆண்டு மகாராஷ்டிராவில் மருத்துவமனை மீது தாக்குதல் நடத்திய நபரை காவல் துறையினர் தண்டிக்கும் பழைய காணொலியை, பவன் கல்யாணுடன் தொடர்புபடுத்தி சமூக வலைதளங்களில் தவறாகப் பரப்பி வருகின்றனர்

Southcheck Network

ஆந்திரப் பிரதேச துணை முதலமைச்சர் பவன் கல்யாண், தனது மூன்றாவது மனைவியை விவாகரத்து செய்துள்ளதாக அண்மையில் அறிவித்திருந்தார். இது தொடர்பாக ஊடகங்களிலும், சமூக வலைதளங்களிலும் பல்வேறு தரப்பினரும் கருத்துக்களைப் பகிர்ந்து வருகின்றனர். இந்தச் சூழ்நிலையில், பவன் கல்யாணின் விவாகரத்து குறித்து எக்ஸ் தளத்தில் பதிவிட்ட ஒருவரை ஆந்திர மாநில காவல் துறையினர் கொடூரமாக அடித்துத் துன்புறுத்துவதாகக் கூறி ஒரு காணொலி சமூக வலைதளங்களில் பலரால் பகிரப்பட்டு வருகிறது.

Fact Check:

சமூக வலைதளங்களில் பரவி வரும் இந்தக் காணொலி குறித்து 'சவுத்செக்' நடத்திய ஆய்வில், பரப்பப்படும் தகவல் முற்றிலும் பொய்யானது எனத் தெரியவந்துள்ளது.

வைரலாகும் காணொலிக்கும், ஆந்திர துணை முதல்வர் பவன் கல்யாண் தொடர்பான செய்திகளுக்கும் எவ்விதத் தொடர்பும் இல்லை. இக்காணொலி கடந்த 2021-ஆம் ஆண்டு மகாராஷ்டிரா மாநிலத்தில் பதிவு செய்யப்பட்டதாகும்.

கடந்த 2021-ஆம் ஆண்டு, கொரோனா பெருந்தொற்று காரணமாக லாக்டவுன் அமலில் இருந்த காலகட்டத்தில் இந்தச் சம்பவம் நிகழ்ந்துள்ளது. 2021 ஏப்ரல் 10 அன்று, கொரோனா பாதிப்பால் உயிரிழந்த தனது உறவினரின் மரணத்திற்குப் பழிவாங்கும் நோக்கில், பாஜக நிர்வாகி ஒருவர் மகாராஷ்டிராவில் உள்ள மருத்துவமனை ஒன்றின் மீது தாக்குதல் நடத்தினார்.

இதற்காக மகாராஷ்டிரா காவல் துறையினர் அவரைப் பிடித்துத் தண்டித்தனர். அந்த நிகழ்வின்போது எடுக்கப்பட்ட பழைய காணொலியைத்தான் தற்போது ஆந்திர மாநில காவல் துறையினர் பவன் கல்யாணை விமர்சித்தவரைத் தண்டிப்பதாகக் கூறி தவறான தகவலுடன் இணையத்தில் பரப்பி வருகின்றனர்.

இது குறித்து ANI, News 18, Dainik Bhaskar உள்ளிட்ட ஊடகங்கள் செய்தி வெளியிட்டுள்ளன.  

Conclusion:

ஆந்திர துணை முதல்வர் பவன் கல்யாணை விமர்சித்த நபரை காவல் துறையினர் தண்டிப்பதாகக் கூறி சமூக வலைதளங்களில் பரவும் காணொலி தவறானது. இது 2021-ல் மகாராஷ்டிராவில் மருத்துவமனையைத் தாக்கிய நபருக்கு அம்மாநில காவல் துறையினர் அளித்த தண்டனையின் காணொலி என்பது உறுதி செய்யப்பட்டுள்ளது. எனவே, தொடர்பில்லாத பழைய காணொலியை வைத்து வதந்திகள் பரப்பப்படுவதை பொதுமக்கள் நம்ப வேண்டாம்.

Fact Check: Muslim youth attacks Hindu schoolgirl in Bangladesh? No, here are the facts.

Fact Check: കൊല്‍ക്കത്തയില്‍ വിമാനത്താവളത്തിനായി മുസ്ലിം പള്ളി പൊളിക്കുന്ന ദൃശ്യങ്ങള്‍? വീഡിയോയുടെ സത്യമറിയാം

Fact Check: ಢಾಕಾದಲ್ಲಿ ಮುಸ್ಲಿಂ ವ್ಯಕ್ತಿಯಿಂದ ಹಿಂದೂ ಯುವತಿಗೆ ಚೂರಿಯಿಂದ ಇರಿಯಲಾಗಿದೆಯೇ? ಸುಳ್ಳು, ಸತ್ಯ ಇಲ್ಲಿದೆ

Fact Check: భారత స్వదేశీ బుల్లెట్ రైలు వీడియో? కాదు, ఇది తైవాన్‌కు చెందినది

Fact Check: തെലങ്കാന മുഖ്യമന്ത്രിയെ അപമാനിച്ച് സോണിയ ഗാന്ധിയുടെ സെക്യൂരിറ്റി? വീഡിയോയുടെ സത്യമറിയാം